Bu gün Qubada unudulmayan "Səməni atdı" mərasimi keçirildi

Qubada hər il aprel ayının 2-də “səməni atdı” mərasimi keçirilir.

Əksər qubalılar bayramda yetişdirilən səməniləri arzu, niyyət edərək axar suya atırlar. Bu adət-ənənə Qubada uzun illərdir ki, davam edir. Son illər isə təkcə qubalılar deyil, digər rayon sakinləri də “səməni atdı” mərasiminə qatılırlar.

“Hər il Novruz bayramından 13 gün sonra bura gəlirik. Nənələrimizdən, babalarımızdan qalan adət-ənənəmizdir. Cavan vaxtımdan gəlib niyyət tuturam, övladlarıma, ailəmə can sağlığı diləyirəm”, – sakin deyib.