Bulvarda kaktusu yandırıb videosunu yayan gənc saxlanıldı

Bakı bulvarı ərazisində kaktusların kəsilməsi, yandırılması ilə bağlı yayılan görüntülər araşdırılıb.

Daxili İşlər Nazirliyinin mətbuat xidmətindən bildirilib ki, əməli törədən 2003-cü il təvəllüdlü Varis Etibar oğlu Cəfərli polis əməkdaşları tərəfindən müəyyən olunaraq saxlanılıb.

Məhkəmə qərarı ilə həmin şəxs barəsində 30 gün müddətinə inzibati həbs tənbeh tədbiri tətbiq edilib.