Bulvarın mediadan gizlədilməsinin səbəbi məlum oldu

Jurnalistlərin peşə fəaliyyətinə süni əngəllər yaradan, media əməkdaşlarının çəkiliş etməsi üçün xüsusi icazələr tələb edən Dənizkənarı Bulvar İdarəsinin səlahiyyətli şəxsləri nədənsə bulvar ərazisindəki kaktus bitkilərinin üzərinin yazılıb məhv olmasına göz yumurlar.

Problem sadəcə bitkilərə verilən zərərlərə göz yummaqla bitmir. Ərazidə eyni zamanda yerə döşənən daş örtüklərin də qopub parçalandığını görmək mümkündür.

İnsanların günün yorğunluqlarını atmaq üçün üz tutduqları bulvarda fəaliyyət göstərən köşklərdə qiymətlər də hər kəsin cibinə görə deyil. Bunu vətəndaşlar da təsdiqləyir.