COVID-19 pandemiyası sadəcə ssenari idi | Canan Karataydan sensasiyalı iddia

Sağlam həyat və qidalanma sahəsindəki təəccüblü açıqlamaları ilə tanınan professor Canan Karatay “TGRT News” proqramında qatıldığı müsahibəsində mübahisəli fikirlər səsləndirib.

C.Karatay pandemiyanı bir “ssenari” olaraq adlandırıb və peyvəndlərin türklərə qarşı məqsədli olaraq buraxıldığını bildirib. Onun bu açıqlamaları geniş müzakirələrə səbəb olub.

Professor COVID-19 pandemiyasının sadəcə bir ssenari olduğunu iddia edib. Onun sözlərinə görə, COVID virusu yalnız bir qış qripi idi və heç bir dərman bu qripi məhv edə bilməzdi.

C.Karatay Rokfeller və Bill Qeyts kimi şəxslərin pandemiyanın arxasında dayandığını iddia edərək, bunun qlobal bir layihə olduğunu vurğulayıb.

Professor COVID-19 peyvəndlərinin immunitet sistemini zəiflətdiyini və xüsusilə türk xalqına qarşı buraxıldığını söyləyib. Onun iddialarına görə, “Biontech” peyvəndindəki yad maddələr türk xalqının sağlamlığına zərər verib.

Ayrıca, C.Karatay bu peyvəndlərin dəri xəstəliklərini artırdığını və xərçəngin yayılmasına səbəb olduğunu bildirib.

Professor virusların daim dəyişdiyini və buna görə də vaksinlərin effektiv olmadığını qeyd edib. O, xarici vətəndaşların peyvənd olunmadan səyahət etdiyini, amma türklərin bu imkana sahib olmadığını vurğulayıb.

C.Karatayın bu açıqlamaları geniş tənqidlərə səbəb olsa da, bir çox insan onun fikirlərini dəstəkləyib. Bu mövzuda müzakirələr davam edir.