"Çörək yemədən doymuram" deyənlərə alternativ yollar | Türkiyəli həkimdən faydalı məsləhət

Çoxları çörək yeməsə, doymur. Bu şəxslər nəyi azaltsa da, çörəkdən imtina edə bilmirlər.

Onlar bunu ac qalmaq hissi ilə əlaqələndirirlər. Lakin bəzi qidalar var ki, onlar istehlak edildikdə, çörəyə ehtiyac qalmır.

Professor Canan Karatay çörəksiz, amma tox tutan səhər yeməyi ilə bağlı açıqlama verib. O, çörəyin içindəki karbohidratların iştahı artıraraq qısa zamanda yenidən aclıq hissi yaratdığını qeyd edib.

“Çörək yemədən doymuram” deyənlərə alternativ olaraq təbii səhər yeməyi təklifləri təqdim edən C.Karatay kənd yumurtası, mayalı pendir, zeytun, çiy yerkökü və turp kimi qidaların çörək əvəzinə seçilə biləcəyini bildirib. Həmçinin şəkərsiz qəhvə və ya çay ilə bu səhər yeməyinin tamamlanacağını əlavə edib.

Canan Karatay çörəyin içindəki amilopektin A karbohidratı səbəbindən qan şəkərinin yüksəldiyini və insulin ifraz edərək ac qalma hissinin yarandığını vurğulayıb.