Dəbə uyğun geyinməyi sevənlərin bilməli olduğu məqamlar

Bəzi sevimli geyimlər sağlamlıq üçün təhlükə yarada bilər.

Moda ilə ayaqlaşmaq istəyənlər geyim seçimlərinin sağlamlığa təsirini bilməlidir.

Məsələn, qalstuk boynu sıxdıqda beyinə gedən qan axını azalır və oksigen çatışmazlığı yaranır. Bu isə təzyiqin yüksəlməsinə, baş ağrılarına və başgicəllənməyə səbəb ola bilər.

Hündür dabanlı ayaqqabılarla isə ayaqlara, onurğaya və oynaq sisteminə yük düşür. Belə ayaqqabılar qamətin pozulmasına, onurğa xəstəliklərinin yaranmasına gətirib çıxara bilər.

Bundan başqa, dar cinslər qan dövranını çətinləşdirir. Qadınlarda çanaq bölgəsində ağrılar yarana bilər. Kişilərdə isə potensiya problemləri və reproduktiv sistemdə pozğunluqlar yaranar. Belə şalvarlar sidik-cinsiyyət sisteminin fəaliyyətini pozaraq sağlamlıq problemlərinə səbəb ola bilər.