Dəhşətli qəzadan sonra Hövsan yolunda yenidən işıqlar söndürüldü

Suraxanı rayonu, Hövsan qəsəbəsinə gedən yolda işıqlar yenidən söndürülüb.

Bir müddət öncə, daha dəqiq desək, mayın 29-da sözügedən ərazidə yolu keçmək istəyən üç nəfəri maşın vurub öldürmüşdü. Bundan sonra yolda işıqlandırma bərpa edilmişdi.

Amma hazırda yol yenə qaranlığa qərq olub. Sakinlər bildirirlər ki, piyada keçidində işıq olmadığı üçün ondan istifadə edə bilmirlər: “Bu qaranlıqda yolu necə keçmək olar? Keçiddən də keçməyə qorxuruq. Lift də işləmir”.