DİN cibgirlərlə bağlı əhaliyə müraciət etdi
Avtobuslarda cibgirlik edən və üzərində qanunsuz olaraq odlu silah gəzdirən şəxslərə qarşı əməliyyat həyata keçirilib.
Bu barədə Daxili İşlər Nazirliyindən məlumat verilib. Görülən tədbirlər nəticəsində saxlanılan Teymur Ağayevin üzərindən 1 ədəd “Makarov” markalı tapança, daraq və 4 ədəd patron aşkar edilərək götürülüb. Saxlanılan şəxs odlu silahı bir neçə ay əvvəl əldə etdiyini, lakin polisə təhvil verməyərək özündə saxladığını bildirib.
Həmçinin digər əməliyyat zamanı sərnişin avtobuslarında cibgirliklə məşğul olan Sərxan Əliyev də saxlanılıb. Onun əsasən insanların sıx olduğu vaxtlarda avtobuslarda cibgirliklə məşğul olduğu müəyyən edilib.
Faktlarla bağlı Nəsimi Rayon Polis İdarəsinin İstintaq şöbəsində araşdırmalar davam etdirilir. Bu şəxslərin qanunsuz əməllərindən zərərçəkən vətəndaşlar polis orqanlarına, DİN-in “102” Zəng Mərkəzinə və sosial şəbəkələrdəki rəsmi səhifələrinə məlumat verə bilərlər.
#Daxili İşlər Nazirliyi teqi istifadə olunub
- Avtobusda cibgirlik etdiyi an kameraya düşdü - Baku TV
- Samuxda qandonduran hadisə | “Yaxşı qonşu, təmiz ailə idilər” - Baku TV
- Bank əməkdaşı olduğunu deyərək 13 min manatı taladı - Baku TV
- Tələbələri görüntüləri ilə şantaj edən gənc əməllərini etiraf etdi - Baku TV
- DİN yol hərəkətinin təşkilində nələr edir? - Ağıllı işıqforlar effektivdir? | NECƏ OLMALIDIR?
