Ermənilərin Xocalıda törətdiyi dəhşətli əməl | Geyimlərdən aşkar görünür ki...

"Beynəlxalq hüquqa görə, insanların girov götürülməsi qadağan olunsa da, burada insanlar girov götürülməklə yanaşı, işgəncələrlə qətlə yetiriliblər".

Bunu Əsir və itkin düşmüş vətəndaşlarla əlaqədar Dövlət Komissiyası işçi qrupu rəhbərinin müavini Eldar Səmədov deyib.

O bildirib ki, girov götürülənlər qətlə yetirildikdən sonra burada kütləvi şəkildə dəfn olunublar:

E.Səmədovun sözlərinə görə, Azərbaycan tərəfi uzun müddət həm Xocalı soyqırımı zamanı, eləcə də Ermənistanın Azərbaycana təcavüzü nəticəsində itkin düşmüş vətəndaşların taleyinin araşdırılması ilə bağlı beynəlxlaq təşkilatların vasitəsilə Ermənistana sorğular göndərib: "Bu insanların taleyi ilə bağlı faktları Ermınistan tərəfi gizlətməyə davam edir".

O qeyd edib ki, Xocalıda aşkarlanan növbəti meyit qalıqlarında zorakılıq izləri görünür:

"Onların ayaq, əl və kəllə sümüklərində küt alətlərlə vurulmuş zədələr var. Meyit qalıqları üzərində işgəncə izləri aşkar görünür. Geyimlərdən görünür ki, bu qalıqlar mülki şəxslərə aiddir. Mütəxəssislərin rəyinə görə, onların arasında qadınlar çoxluq təşkil edir. Qazıntı prosesi davam edir. Ola bilsin ki, yerin aşağı laylarında yenə meyit qalıqları tapılsın".