Ermənistan vətəndaşlarının müdafiəçiləri məhkəmədən nə istədi? - Baku TV

Bakı Apellyasiya Məhkəməsində Ermənistanın Azərbaycana qarşı hərbi təcavüzü nəticəsində çoxsaylı cinayətlərə görə Bakı Hərbi Məhkəməsi tərəfindən barələrində ittiham hökmü çıxarılan Ermənistan Respublikası vətəndaşları Araik Arutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin apellyasiya şikayətləri üzrə məhkəmə baxışı başlayıb.

Təqsirləndirilən Davit İşxanyan məhkəməyə müraciət edərək məhkəmə iclaslarının protokolları ilə tanış olduqdan sonra hazırladığı qeydləri təqdim etmək istədiyini bildirib.

Ona izah olunub ki, protokollara dair qeydlər Azərbaycan dilində təqdim edilmədiyi üçün onların tərcümə olunduqdan sonra məhkəməyə təqdim edilməsi zəruridir. Vurğulanıb ki, qeydlər şifahi deyil, yazılı formada və Azərbaycan dilində təqdim olunmalıdır.

Daha sonra təqsirləndirilən Davit Allahverdiyanın, Melikset Paşayanın və Davit İşxanyanın müdafiəçiləri çıxış edərək hüquqlarını qoruduqları şəxslər barəsində bəraət hökmünün çıxarılmasını məhkəmədən xahiş ediblər.

Məhkəmənin növbəti iclası iyulun 3-də keçiriləcək.