Hansı hallarda kirayəyə ev verənləri ağır cəza gözləyir?

Təhlükəsizliyiniz və rahatlığınız üçün şəhərin mərkəzində saatlıq evlər kirayə verilir.

Bu cür elanlara əmlak saytlarından birində rast gəlinir. Proses də çətin deyil. Elanda qeyd edilən nömrə ilə əlaqə saxlayıb, evi təhvil ala bilərsiniz. Elə problem də buradadır.

Belə ki, fərdi yaşayış evini saatlıq kirayə vermək cinayət tərkibi yaradır.

Qanunvericilikdə məsələ ilə bağlı müəyyən məhdudiyyətlər olsa da, bəziləri pul qazanmaq naminə qanunlara qarşı çıxmaqdan çəkinmirlər.

Hüquqşünas Emil Aslanov məsələ ilə bağlı bildirib ki, evini saatlıq kirayə verən şəxslər 3500 manatadək cərimə edilə bilərlər.

“1 saatlıq kirayə verilmiş evin sahibi əxlaqsızlıq yuvası saxlanmasını bilirsə, Cinayət Məcəlləsinin 244-cü maddəsinə əsasən, 2500 manatdan 3500 manatadək cərimə, 400 saatdan 480 saata qədər ictimai işlər, 2 il müddətinə qədər islah işləri və ya 3 il müddətinə qədər azadlıqdan məhrumetmə cəzası nəzərdə tutulur”, – E.Aslanov qeyd edib.