Hansı hallarda psixi xəstələr məcburi xəstəxanaya yerləşdiriləcək?

Ailənin 5 üzvünü amansızlıqla öldürməkdə təqsirləndirilən 25 yaşlı Əhməd Əhmədovun psixi problemləri olduğu deyilir, qeyri-adekvat davranışlar etdiyi bildirilib.

Üstəlik, bu vəziyyətdən ailəyə yaxın insanların da xəbəri olub, valideynlərinə onu müvafiq xəstəxanaya yerləşdirmək tövsiyə edilib. Ailənin isə bu məsləhəti qəbul etmədiyi deyilir. Sonradan yayılan məlumatlara görə isə təqsirləndirilən Əhməd Əhmədovun psixiatrik xəstəxanada qeydiyyatda olması və müalicə aldığı müəyyən edilib.

Bəs ətrafa bu cür təhlükə saçan şəxslərlə bağlı qanunvericilik nə deyir? Onları şikayət edib məcburi şəkildə müvafiq tibb müəssisəsinə yerləşdirmək olarmı?