İfaçılarımız Hadisə, Murad Bozu parodiya edirlər | Rauf -40° kimləri yıxıb sürüdü? - QAPQARA

“Qapqara” verilişinin yeni buraxılışı yayımlanıb. Verilişin budəfəki sayının qonağı müğənni Rauf Əhmədov olub.

O, ölkədə savad və istedadına görə beynəlxalq səhnələrə çıxacaq müğənni olmadığını deyib:

“Bizdə hətta elə bir Xalq artisti də yoxdur ki, deyəsən ki, get Avropanı təəccübləndir. Vaxtilə bizim müğənnilər Türkiyədə pul verib telekanala çıxanda mikrofonu əsə-əsə tutublar”.

R.Əhmədov “Avroviziya” mahnı müsabiqəsində Azərbaycanı təmsil etmək istəyindən danışıb və söyləyib ki, yarışmaya taktika ilə getmək lazımdır:

“Mən bilirəm ki, növbəti dəfə “Avroviziya”ya kimi göndərsələr, uduzub qayıdacaq. Çünki bu müsabiqəyə taktika ilə getmək lazımdır. O da hər musiqiçidə olmur. Yaxşı görünüşü, yaxud səsi olmaq azdır. Bəzi sirlər var ki, onları açıqlamaq istəmirəm. Əgər məni göndərsələr, minimum ikinci yerin qalibi olaram. Hətta birinci də ola bilərəm”.