Kimlərə tünd şokolad yemək olmaz? | Hamilə qadınlar isə...

Tünd şokolad tərkibindəki yüksək antioksidantlar, maqnezium, dəmir və digər qida maddələrinə görə uzun müddət sağlam məhsul kimi şöhrət qazanıb. Lakin bir çox faydasına baxmayaraq, tünd şokoladın bədənə mənfi təsirləri də az deyil.

Məhsulun tərkibində kofein var. Orta səviyyədə kofein konsentrasiyanı və enerjini artıra bilsə də, həddindən artıq istehlakı yan təsirlərlə nəticələnə bilər.

Mütəxəssislərin sözlərinə görə, axşam və ya ümumiyyətlə çox miqdarda şokolad istehlak etmək yuxuya getməyi çətinləşdirə bilər. Stresli insanlar kofeinin stimullaşdırıcı təsirindən daha çox pisləşə bilərlər.

Tünd şokoladın əsas tərkib hissəsi olan kakao paxlasının tərkibində böyrək daşlarının əmələ gəlməsinə kömək edən birləşmələr olan oksalatlar var. Tünd şokoladın uzun müddət və həddindən artıq istehlakı bu xəstəliyə qarşı həssas olan insanlar üçün riski artıra bilər.

Böyrək daşlarına meyillisinizsə, şokolad qəbulunu məhdudlaşdırmalı və ya ondan tamamilə uzaq durmalısınız.

Hamilə qadınlar, mədə-bağırsaq, ürək-damar və xroniki böyrək xəstəliyi olan insanlara tünd şokoladdan istifadə etmək tövsiyə olunmur.