Maaş və pensiyalar nə qədər artır? - Rəqəmlər açıqlandı

Azərbaycanda minimum əməkhaqqı artacaq. Gələn ildən minimum əməkhaqqı 400 manat olacaq.

“Hesablama Palatasının Azərbaycan Respublikasının 2025-ci il dövlət büdcəsi haqqında” qanun layihəsinə rəyində bu barədə məlumat öz əksini tapıb. Bu artım 2024-cü illə müqayisədə 55 manat, yaxud 15,9 faiz çox olacaq.

Məlumat üçün bildirək ki, 2024-cü ildə minimum əməkhaqqı 345 manat olub.

Azərbaycanda həmçinin minimum pensiya artırılır. Gələn il minimum pensiya məbləğinin 280 manat olacağı nəzərdə tutulur. 2025-ci il üzrə proqnozlara əsasən, minimum pensiya məbləğinin minimum əməkhaqqı məbləğinə nisbətinin 70 faiz olacağı nəzərdə tutulacaq.

Qeyd edək ki, Azərbaycanda ehtiyac meyarı və yaşayış minimumunun həddi də artırılır. Gələn il ehtiyac meyarı və yaşayış minimumunun həddi 285 manat olacaq.

“Hesablama Palatasının Azərbaycan Respublikasının 2025-ci il dövlət büdcəsi haqqında” qanun layihəsinə rəyində gələn il yanvarın 1-dən ehtiyac meyarının həddi 270 manatdan 285 manata yüksələcək. Yaşayış minimumunun da artıq ehtiyac meyarına bərabər götürüldüyü nəzərə alınsa, 2024-cü illə müqayisədə 5,5 faizdən çox artım olacaq.