Pleyeri seçin:
Məktəblərdə zəlzələ təşvişi | Dərslərə fasilə verilir?
Bu gün yerli vaxtla saat 08:16-da Xəzər dənizində maqnitidası 5,6 olan zəlzələ baş verib.
Təbii fəlakət zamanı bir çox məktəblərdə şagirdlər məktəbin həyətinə çıxarılıb.
“Qrupa yazılmışdı ki, gəlin, uşaqları götürün. Dedilər, zəlzələ olub, uşaqları həyətə çıxarmışıq. Biz də gəldik”, – valideynlər söyləyiblər.
Bakı Şəhər Təhsil İdarəsinin sözçüsü Bəşarət Məmmədov məsələ ilə bağlı qeyd edib ki, hazırda məktəblərdə tədris prosesi davam edir, heç bir təhsil müəssisəsində dağıntı qeydə alınmayıb.
“Təhsil müəssisələrinin rəhbərliyi tərəfindən uşaqlara, şagird və valideynlərə həyəcanlanmamaq və əlavə narahatlığa yol verməmək tövsiyə olunub. Bununla belə bəzi təhsil müəssisələrində valideynlər şəxsi narahatlıqları səbəbindən könüllü olaraq övladlarını götürüblər”, – deyə B.Məmmədov vurğulayıb.
Kopyalandı
Seçilmişlər
