Millət vəkilindən həyəcan təbili
"Dərman vasitələrinin ticarət adının reseptlərdə yazılmaması bir sıra problemlərə gətirib çıxara bilər".
Bunu Milli Məclisin deputatı Rəşad Mahmudov parlamentin növbədənkənar sessiyasının iyulun 6-da keçirilən iclasında “Dərman vasitələri haqqında” qanuna dəyişikliklərin müzakirəsi zamanı deyib.
O qeyd edib ki, dərman şirkətləri ticarət adı reseptlərdə yazılmayan ölkələrdə öz rəsmi nümayəndəliklərini çıxarmağa çalışırlar. Deputat vurğulayıb ki, bu gün Azərbaycanda 250-yə qədər rəsmi nümayəndəlik var.
“Bu nümayəndəliklər dərman vasitələrinin təchizat zəncirinə ciddi nəzarət edirlər. Bu baxımdan dərman vasitələrinin ticarət adının reseptlərdə yazılmaması bir çox problemlərin yaranmasına gətirib çıxara bilər”, – deyə deputat bildirib.
Rəşad Mahmudov onu da qeyd edib ki, rəsmi nümayəndəliklərin ölkəmizdə açılmasına nail olmalıyıq: “Türkiyə bununla vəziyyətdən çıxdı. Digər tərəfdən, bizim apteklərdə kifayət qədər ixtisaslı əczaçı yoxdur. Həkim sadəcə dərmanın tərkibini yazsa, aptekdə onu tam bilən kadrlar kifayət qədər deyil. Bu da pis nəticələr verə bilər”.
#Milli Məclis teqi istifadə olunub
- Sahibə Qafarova İqor Sergeyenko ilə görüşdü - Baku TV
- Anti-Azərbaycan qətnamələrinə sərt cavab verildi - Baku TV
- Azərbaycan Avropa Parlamenti ilə əlaqələri dayandırdı | MM hansı qərarları verdi? - Baku TV
- Qonaqlara parlamentin tarixi barədə məlumatlar verilib
- Gürcülər Patriarx II İliya ilə vidalaşırlar
