Milli Hidrometeorologiya Xidməti hava proqnozunu açıqladı | Hava haqqında məlumat

Mayın 20-si və 21-də Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək.

Bu barədə Milli Hidrometeorologiya Xidmətindən məlumat verilib.

Bildirilib ki, 19-dan 20-nə keçən gecə və səhər bəzi yerlərdə yağış yağacağı ehtimal olunur. Mülayim cənub-şərq küləyi əsəcək. Havanın maksimal temperaturu 16-21 dərəcə isti olacaq.

Bölgələrdə də bəzi yerlərdə yağış yağacaq. Ayrı-ayrı yerlərdə yağıntıların leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə isə qar yağacağı ehtimal olunur. Havanın maksimal temperaturu Aran rayonlarında 18-23, dağlıq ərazilərdə isə 3 dərəcəyədək isti olacaq.