Xəstəliyin əlamətləri hansılardır? | Həkim həyəcan təbili çaldı

Neftçala rayonu Uzunbabalı kənd sakini Eldəniz Məmmədovda nadir xəstəlik aşkarlanıb.

Xəstə ağır vəziyyətdə Neftçala Rayon Mərkəzi Xəstəxanasına daxil olub. Ona ilkin tibbi yardım göstərilib, aparılan bütün tədbirlərə baxmayaraq, xəstə poliorqan çatışmazlığından, yəni iki və daha çox orqanının sıradan çıxması səbəbindən ölüb.

Bu barədə Tibbi Ərazi Bölmələrini İdarəetmə Birliyi məlumat verib. Xəstənin 15 ildir qırmızı qurdeşənəyi xəstəliyindən əziyyət çəkdiyi qeyd olunub.

Bəs bu xəstəliyin yaranma səbəbi və əlamətləri nədir? Pandemiya halını ala bilərmi?

Həkim Abbas Bağırov bildirib ki, qırmızı qurdeşənəyi xroniki xəstəliklər qrupuna aiddir:

“Kişilərdə qadınlara nisbətən doqquz-on dəfə çox rast gəlinir. Eyni zamanda qaradərili insanlarda ağdərili insanlarla müqayisədə az təsadüf olunur. Xəstəliyin yaranmasında genetik, ətraf mühit faktorları, günəş şüaları, həmçinin orqanizmə toksik təsir göstərən dərman maddələri mühüm rol oynayır.

Hansı səbəbdən yaranmasından asılı olmayaraq qırmızı qurdeşənəyi xəstəliyi zamanı orqanizm özünə yad cisimləri sintez etməyə başlayır. Bu isə bütün orqan və toxumalara zədələyici təsir göstərir. Qırmızı qurdeşənəyi xəstəliyini tam sağaltmaq mümkün deyil”.