Müasir insanlar buna görə ağlını itirir? - Elm adamları aciz qaldı!

Müasir cəmiyyət intellektual inkişaf səviyyəsində əhəmiyyətli dəyişikliklər yaşayır və iddia olunur ki, bu, COVID-19 pandemiyasından çox əvvəl başlayıb.

Araşdırmaya görə, inkişaf etmiş ölkələrdə yetkin əhalinin dörddəbiri əsas riyazi problemləri həll etməkdə çətinlik çəkir, ABŞ-də isə bu rəqəm 35 faizə çatır.

Bundan əlavə, uzun müddət bir işə cəmləşə bilməyən 18 yaşlı gənclərin sayı demək olar ki, iki dəfə artıb. Sorğuda iştirak edənlərin yarısı ildə yalnız bir kitab oxuya bilib.

Bir çox tədqiqatçı və jurnalist diqqətin və zehni qabiliyyətin bu sürətlə azalmasının səbəbini müasir texnologiyaların smartfonlar, sosial şəbəkələr və "TikTok"da izlədikləri qısa videolar ilə əlaqələndirirlər.

Bəzi ekspertlər hesab edirlər ki, bu tendensiyanın artmasının səbəbləri beyindəki bioloji dəyişikliklər yox, sosial-mədəni tendensiyalardadır. "Asan pul" və "zəhmətsiz yaşamaq" ideallarının yayılması insanlarda dərin bilik və tənqidi düşüncənin artıq lazım olmadığını hiss etdirir.

Elm adamlarını isə hələ də düşündürən bir sual var: yaşanan bu vəziyyət intellektin ümumi azalmasının sübutudur, yoxsa sadəcə müasir cəmiyyətdə dəyişən prioritetlərin əksidir?