Müharibələrdə yeni dövr | Tanklar müasir savaşlar üçün yararsızdır? - HƏRBİ XRONİKA

Azərbaycan üçün müstəsna tarixi əhəmiyyət daşıyan İkinci Qarabağ müharibəsinin həm də dünya hərb tarixində önəmli dönüş nöqtəsi olması barədə çox danışılıb.

Pilotsuz uçuş aparatlarının ilk dəfə kütləvi şəkildə və heyrətamiz uğurla tətbiqi ilə dünyada adından söz etdirən Azərbaycan Ordusunun bununla həm də o zamana qədər yalnız fantastik filmlərə mövzu olan “dron müharibəsi” fantaziyasını reallığa çevirdiyi artıq təkzibedilməz faktdır.

Klassik müharibə standartlarını əsaslı şəkildə dəyişən bu reallıq təbii olaraq hərb dünyası üçün tamamilə yeni və aktual suallar doğurub. Bunlardan biri də pilotsuz uçuş aparatları kimi müasir və effektiv döyüş vasitələri qarşısında arxa plana keçmiş ənənəvi müharibə vasitələrinin bundan sonrakı perspektivi ilə bağlıdır.

İkinci Qarabağ müharibəsinin ardınca Rusiya-Ukrayna cəbhəsində də müasir pilotsuz hücum vasitələri qarşısında sadəcə alov və tüstü paradı sərgiləyən saysız-hesabsız tank görüntüləri bu məsələnin aktuallığının daha bir sübutudur.

Birinci Dünya müharibəsindən başlayaraq 2020-ci ilədək baş vermiş bütün müharibələrin vacib atributu olan tankların “dron müharibələri”ndəki bu acınacaqlı durumu istər-istəməz tərəddüd dolu sualların yaranmasına da rəvac verir.

Doğrudanmı, tankların zamanı geridə qalıb? Onlar müasir müharibələr üçün yararsızdırmı?

Ətraflı Baku TV-nin “Hərbi xronika” rubrikasının yeni buraxılışında: