Mülkiyyətçilər nə qədər ziyana düşüb? - Yanğınla bağlı görülən tədbirlər

İstər meşə, istərsə də sənaye obyektlərindəki yanğınlar hər il dünya iqtisadiyyatına milyardlarla dollar zərər vurur. Təkcə 2023-cü ildə meşə yanğınları nəticəsində bu rəqəm 6,8 milyard dollar olub.

Azərbaycanda ən son 2022-ci ildə Şabran rayonunda qeydə alınan meşə yanğını zamanı 167 hektar sahə yanıb, 42 164 manat maddi ziyan dəyib.

Təkcə Bakıda 2025-ci ilin ilk rübü ərzində sənaye və ticarət obyektlərində baş verən yanğınlar zamanı mülkiyyətçilərə dəyən maddi ziyanın dəyəri 42 192 manat təşkil edib.

Təbii ki, maddi ziyanla yanaşı, ətraf mühitin də zəhərlənməsi ciddi narahatlıq doğurur.

Yanğınlar nəticəsində yaranan çirkli hava insanların dərketmə qabiliyyətini zəiflədir, ağciyər və digər tənəffüs sistemi xəstəliklərinin yaranmasına səbəb olur. Ona görə də həyatımıza və təbiətə laqeyd yanaşmayaq.