Nə bilirlər ki, qızın qüsuru yoxdur?! | Şəhid və Murtuzanın anasından etiraf - ARZUNUN VAXTI

Baku TV-nin “Arzunun vaxtı” verilişinin ötən buraxılışlarının birində Nərmin və Murtuza Əliyevlər cütlüyünün sevgi hekayəsindən bəhs olunmuşdu.

Proqramın budəfəki buraxılışı isə Murtuzanın qardaşı, Vətən müharibəsi şəhidi Pərvin Əliyevə həsr olunub.

Oğlunun sevdiyi qız olduğunu deyən şəhidin anası Zəmanə Abıyevanın sözlərinə görə, müharibədən sonra Pərvinə toy etmək istəyirmişlər:

“Pərvinin sevdiyi olsa da, qızın bundan xəbəri yox idi. Müharibədən sonra onun üçün toy etmək istəyirdik. Sonradan sevdiyi qız ailə qurdu, amma nə özü, nə də ailəsi bu haqda heç nə bilmədi. Murtuza və Nərminin toyundan sonra sosial şəbəkələrdə yalan sözlər yazdılar. Məni ən çox incidən Nərminin Pərvinin nişanlısı olduğunu demələri oldu”.

Pərvin Əliyevin anası həmçinin oğlunun şəhid olmasından, ona duyduğu həsrətdən danışıb:

“Oğlum oktyabrın 27-də şəhid olub. Onlar 30 ilin həsrətinə son qoyan oğullardır. Buna görə balamla qürur duyuram. Pərvinin əşyalarını, paltarlarını hələ də saxlayır, onlarla nəfəs alıram. Məni həyatda saxlayan həmin əşyalardır”.