Partlayış baş verən binada son vəziyyət

Biləsuvar şəhərinin Heydər Əliyev prospektində beşmərtəbəli yaşayış binasında baş verən partlayışın nəticələri tədricən aradan qaldırılır.

Hazırda bina polis mühafizəsində olsa da, birinci blokda yaşayan sakinlər köçürülür.

Qeyd edək ki, 37 ailənin yaşadığı bina 1977-ci ildə inşa edilib. Hazırda binada yaşayış dayandırılıb. Evlərinə ziyan dəyən mənzil sahibləri istifadə edilməsi qismən mümkün olan əşyalarını toplamağa çalışırlar.

Həmçinin binaya verilən bütün kommunkasiya xətləri də dayandırılıb. Biləsuvar Rayon Fövqəladə Hallar Komissiyasından verilən məlumata görə, hadisənin nəticələrinin aradan qaldırılması istiqamətində tədbirlər qrafikə uyğun şəkildə davam etdirilir.

Partlayış faktı ilə bağlı Biləsuvar Rayon Prokurorluğunda cinayət işi başlanılıb, ibtidai istintaq aparılır.