Dövlət qulluğuna qəbul imtahanı ilk dəfə bu formada keçirildi

Dövlət İmtahan Mərkəzinin yeni istifadəyə verilmiş elektron imtahanlar korpusunda ilk dəfə olaraq dövlət qulluğuna qəbul və dövlət qulluğunda fəaliyyətin davam etdirilməsi üzrə imtahanlar keçirilib.

Kompüter arxasında əyləşərək sualları cavablandırmağa çalışan vətəndaşlar nəticələri imtahan üçün ayrılan vaxt başa çatdıqda öyrənə biliblər.

“İmtahanın elektron şəkildə aparılması işimizi çox asanlaşdırdı. Ən əsası da nəticələri anında öyrənməyimiz bizi çox rahatlatdı. Kompüterin sürətli işləməsi, sualların əlçatanlığı nəticəsində zaman itkisi olmadı”, – imtahan iştirakçısı söyləyib.