Pirallahıda çəkilişimizdən sonra şikayətçinin həyətini sökmək istəyirlər

Baku TV Pirallahı rayonu, Gürgan qəsəbəsində evlərin həyətlərini su basması ilə əlaqədər şikayəti işıqlandırmışdı.

Şikayətçi Elmar Quliyev iddia edir ki, sözügedən çəkilişdən sonra Pirallahı İcra Hakimiyyəti və bələdiyyənin nümayəndələri onun həyətindən keçməklə kanal çəkiləcəyini bildiriblər.

“Müsahibədən bir həftə sonra gəldilər, xətt qoydular ki, buralar sökülməlidir. Dedilər ki, bunu prinsipə görə edirik”, – E.Quliyev açıqlamasında deyib.