Planetimiz üçün təhlükə xəbərdarlığı | Elə bir kəşf edildi ki...

Dekabrın 4-də “2007 JX2” və “2020 XR” adlı iki potensial təhlükəli asteroid Yerin yaxınlığından keçəcək.

İlkin məlumatlara görə, “2007 JX2” asteroidinin ölçüsü 402,3 metr, “2020 XR” isə 387,7 metrdir. Birincisi Yerdən 5,5 milyon kilometr, ikincisi isə 2,2 milyon kilometr məsafədən keçəcək.

Sandia Milli Laboratoriyasının tədqiqatçılar komandası Yer kürəsini potensial təhlükəli asteroidlərdən qorumaq üçün yeni strategiya təklif edib.

Alimlər sübut ediblər ki, laboratoriyada yaradılan rentgen impulsları asteroidin səthini qızdıra və materialın buxarlanmasına səbəb ola bilər ki, bu da onun trayektoriyasını dəyişəcək.

Təcrübə sübut edib ki, bu üsul diametri dörd kilometrə qədər olan asteroidin istiqamətini dəyişdirə bilər.

Tədqiqatçıların fikrincə, bu kəşf planeti asteroid təhlükələrindən qorumaq üçün yeni texnologiyaların inkişafında mühüm addım ola bilər.