Qalıqları tapılan şəhid Əhliman Əsgərov 32 il sonra torpağa tapşırıldı
Birinci Qarabağ müharibəsində itkin düşdüyü ehtimal edilən, 32 ildən sonra dəfn yeri və kimliyi müəyyən edilən şəhid Əhliman Əsgərovun qalıqları doğulub boya-başa çatdığı Şəmkirin Mehrili kəndində torpağa tapşırılıb.
Dəfn mərasimində şəhidin doğmaları, Şəmkir Rayon İcra Hakimiyyətinin vəzifəli şəxsləri, şəhər hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
“Qardaşım 18 yaşında müharibəyə yollandı, itkin düşdü. İllərlə onu axtardıq, atam, anam onun dərdindən xəstə düşdü. Atam oğul deyə-deyə rəhmətə getdi. Çox şükür ki, qardaşım başımızı uca etdi. Vətən yolunda qanını tökdü, üçrəngli bayrağımızı seçdi”, – şəhidin bacısı deyib.
Qeyd edək ki, Birinci Qarabağ müharibəsi zamanı itkin düşən Əhliman Əsgərov Bakıda Şəhidlər xiyabanında naməlum əsgər kimi dəfn olunub. 2023-cü ildə aparılan DNT analizləri nəticəsində onun şəxsiyyəti müəyyən edilib.
![icon](/images/loading.png)