"Allah qorxusundan edilən yaxşılıq düzgündür?!" - Əxlaqlı olmaq üçün dindar olmaq vacibdir? | AMİN

“Amin” verilişinin yeni buraxılışında aktyor Kamran Ağabalayev və fəlsəfə doktoru Anar Qafarovla əxlaq və din mövzusu ətrafında fikir mübadiləsi aparılıb.

Anar Qafarovun sözlərinə görə, dinin özü bütövlükdə əxlaqdır:

“Biz əxlaqı dindən ayırarsaq, “Qurani-Kərim”də insanın estetik, etik və əqli təfəkkürünə dair nazil olunan ayələrin heç bir mənası qalmaz. Onun əsas mahiyyəti insanın bu dünyada ikən ilahi mərkəzli yaşamasıdır”.

Kamran Ağabalayev isə “Əxlaq normalarına uyğun gəlmək üçün dindar olmaq mütləqdirmi?” sualını cavablandırıb.

“Mən bir məsələnin şahidi olmuşam: ateistlər yaxşılıq edəndə heç bir təmənna güdmürlər. Buna görə ateistlərin etdikləri yaxşılıqları sevirəm. Ümumilikdə isə əxlaq barədə danışan dini bir liderin əməllərində də buna uyğun davranışları görmək istəyirəm”, – deyə o bildirib.