"Bakı Payızı"nda daha bir nominasiya üzrə 2 tur keçirildi

İyunun 29-u və 30-da "Bakı Payızı" müsabiqəsinin Vokal nominasiyasının birinci və ikinci turları keçirilib.

İştirakçılar birinci turda azərbaycanlı bəstəkarların musiqilərini və milli mahnıları səsləndiriblər. İkinci turda isə xarici mahnılar təqdim edilib.

“Bakı Payızı” istedadlar müsabiqəsinin münsiflər heyətində Xalq artisti Siyavuş Kərimi, Əməkdar artistlər – Emil Əfrasiyab, Rain Sultanov, Əməkdar incəsənət xadimləri – Cahangir Səlimxanov, Ülviyyə Könül, “Xəzər” televiziyasının baş direktoru Murad Dadaşov və bəstəkar İsa Məlikov təmsil olunublar.