Pleyeri seçin:
"Burada elə möcüzələr olub..." | İnsanların görməkdən də çəkindiyi xəstələrə ömrünü həsr edən qadın
“Arzunun vaxtı” verilişinin yeni buraxılışında nadir genetik xəstəliklə yaşayan uşaqların həyatından, onların hər gün üzləşdiyi çətinliklərdən danışılıb.
Uzun illərdir bullyoz epidermolizdən (kəpənək xəstəliyi) əziyyət çəkən uşaqlara dəstək olan Elgül Hüseynquliyeva deyir ki, bu xəstəliklə yaşayan insanların həyatı doğulduqları gündən ağrı ilə müşayiət olunur:
“Onlar yaşayaraq yanırlar. Hər gün ağrı ilə mübarizə aparırlar”.
Elgül xanım bildirir ki, bu uşaqların çoxu məktəbə gedə bilmir, rahat hərəkət etməkdə çətinlik çəkir, hətta bəzi nemətlərə həsrət qalır. O, illər ərzində şahidi olduğu hadisələrdən danışarkən söyləyib:
“Bir uşağın 12 ildən sonra ilk dəfə ət yeyə bilməsinin sevincini görmək hər şeyə dəyər. Onda anlayırsan ki, onların xoşbəxt olmaq üçün çox böyük şeylərə ehtiyacı yoxdur”.
E.Hüseynquliyeva hesab edir ki, bu uşaqların ən böyük ehtiyacı təkcə maddi yardım deyil, sevgi və diqqətdir:
“Mən onları sevgi ilə yaşatmışam. Bəzən bir insanın həyatını dəyişmək üçün qayğı göstərmək kifayətdir”.
Kopyalandı
Seçilmişlər
