Rahat yuxunu əngəlləyən məhsullar açıqlandı | Əgər turş meyvə yesəniz...

Turş meyvə və tərəvəzlər gecə istirahətinin keyfiyyətinə mənfi təsir göstərir.

Bu barədə tanınmış britaniyalı diyetoloq Kayl Krouli xəbərdarlıq edib.

Onun araşdırmasına əsasən, yatmazdan dərhal əvvəl belə məhsulların qəbulu sağlam yuxunu ciddi şəkildə poza və xroniki sağlamlıq problemlərinə gətirib çıxara bilər.

K.Krouli qeyd edib ki, bu məhsulların tərkibindəki turşu qida borusunun aşağı sfinkterini, yemək borusu ilə mədəni bir-birindən ayıran qapaqların işini zəiflədir. Bu, turşu reflüksünə gətirib çıxarır ki, bu zaman mədənin içindəki ərzaq qida borusuna geri qayıdır və bu da narahatlığa səbəb olur və normal yuxu siklini pozur.

“Yatmazdan əvvəl qaçınılması lazım olan turşulu qidalar arasında portağal, pomidor və qreypfrut var. Onlar mədədə yanma hissinə səbəb ola bilər ki, bu da sizə rahat yatmağa imkan verməyəcək”, ‒ deyə K.Krouli bildirib.

Diyetoloq həmçinin axşam saatlarında yağlı qidaları yeməməyi şiddətli formada tövsiyə edir. Yağlı qidalar həzm prosesini ləngidir, həmçinin mədədə ağırlıq hissi yaradaraq turşu reflüksünə səbəb olur.