Sabah Bakıda hava necə olacaq? | Dövlət Xidmətindən əhaliyə xəbərdarlıq

Fevralın 9-u ölkə ərazisində yağıntılı və küləkli hava şəraiti müşahidə olunub.

Bu barədə Milli Hidrometeorologiya Xidmətindən bildirilib.

Qeyd olunub ki, Bakı və Abşeron yarımadasının bəzi yerlərində, dağlıq və dağətəyi rayonlarda qar yağıb.

Yağan qarın hündürlüyü Lerikdə 62, Quba-Qusar bölgəsində 19, Qarabağ və Şərqi Zəngəzur zonasında 10, əksər rayonlarda isə 6 santimetr qeydə alınıb.

Ölkə ərazisinin bəzi yerlərində müşahidə olunan güclü külək səhər saatlarında tədricən zəifləyib.

Fevralında 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Lakin gecə bəzi şəhərətrafı ərazilərdə yağıntılı olacağı, qar yağacağı ehtimalı var, şimal-qərb küləyi əsəcək. Havanın maksimal temperaturu 2-5 dərəcə isti olacaq.

Bölgələrdə də əsasən yağmursuz hava şəraiti gözlənilir. Lakin gecə və səhər bəzi dağlıq rayonlarda az yağıntılı olacağı, qar yağacağı ehtimalı var. Bəzi yerlərdə arabir duman olacaq, mülayim qərb küləyi əsəcək. Havanın maksimal temperaturu Aran rayonlarında 3-7 dərəcə isti, dağlıq ərazilərdə isə 3-6 dərəcə şaxta olacaq.