Sabirabadda 12 yaşlı qızın nişanlanması ilə bağlı detallar

“2 ildir qızın atası ilə gediş-gəlişimiz olub. Ailəvi şəkildə bir-birimizi tanımışıq. Anamgili göndərib “hə”sini almışıq”.

Bunu Sabirabad rayonu Məmişli kəndində 12 yaşlı qızla nişanlanan 32 yaşlı Kərim deyib.

O, azyaşlının 18 yaşı olanda evlənəcəklərini söyləyib:

“Ancaq üzük taxmışıq, başqa böyük nişan məclisi keçirilməyib. 18 yaşı tamam olanda toyumuz olacaq”.

Kərim azyaşlı ilə nişanlandığına görə peşman olduğunu deyib: “Azyaşlı olduğuna görə bir az peşmanam. Bu səbəbdən bütün Azərbaycan xalqından üzr istəyirəm. Gərək belə olmayaydı”.