Şəhid jurnalist Məhərrəm İbrahimovun adı əbədiləşdirildi

Bakının Binəqədi rayonunda yerləşən şəhid Namiq Fərəczadə adına 100 nömrəli tam orta məktəbin sinif otaqlarından birinə şəhid jurnalist Məhərrəm İbrahimovun adı verilib.

Bununla bağlı təşkil olunan tədbirdə məktəbin müəllim və şagird kollektivi, şəhid Məhərrəm İbrahimovun ailə üzvləri, yaxınları və ictimaiyyət nümayəndələri iştirak ediblər.

Tədbirdə şəhid Məhərrəm İbrahimovun həyat və fəaliyyəti ilə bağlı videoçarx nümayiş olunub, şagirdlər şeirlər söyləyiblər.