Sərnişinlərin həyatı ilə oyun oynayan sürücü işdən çıxarıldı

Sosial şəbəkələrdə sərnişin avtobusu sürücüsünün nəqliyyat vasitəsini idarə etdiyi zaman “TikTok” platformasında canlı yayım açmasına dair görüntülər yayılıb.

Məsələni dərhal Azərbaycan Yerüstü Nəqliyyat Agentliyi araşdırıb.

Sərnişinlərin həyatını təhlükəyə ataraq kobud qayda pozuntusuna yol verən sürücü daşıyıcı şirkət tərəfindən işdən azad edilib.

Azərbaycan Yerüstü Nəqliyyat Agentliyi analoji halın təkrarlanmaması üçün müntəzəm sərnişindaşıma fəaliyyəti göstərən bütün daşıyıcılara xəbərdarlıq edib.