Şərqin ilk operası yeni quruluşda təqdim olundu

Şərqin ilk operası olan Üzeyir Hacıbəylinin "Leyli və Məcnun" əsəri yeni quruluşda və möhtəşəm təqdimatda sənətsevərlərin ixtiyarına verilib. Baku TV-nin süjetində qeyd olunur ki, klassik ənənələrin müasir səhnə həlləri ilə vəhdəti tamaşaya yeni nəfəs gətirib. Rejissor yanaşmasında əsərin fəlsəfi dərinliyi qorunmaqla yanaşı, vizual effektlər və dekorasiyalar tamaşaçını dahi Üzeyir bəy dünyasına daha yaxından aparır. İstedadlı gənc ifaçıların və təcrübəli sənətkarların çıxışları, habelə orkestrin peşəkar müşayiəti milli operamızın ölməzliyini bir daha sübut edib. Mədəniyyət xadimlərinin və tamaşaçıların böyük marağına səbəb olan bu premyera Azərbaycan incəsənətinin son illərdəki ən parlaq hadisələrindən biri kimi qiymətləndirilir. "Leyli və Məcnun"un yeni təqdimatından ən emosional anlar və eksklüziv kadrlar reportajda əksini tapıb.