TƏBİB-in "Qaynar xətti"ndə nə baş verdi? | Qurumdan məsələ barədə açıqlama

Vətəndaş TƏBİB-in “Qaynar xətti”nə zəng edir, amma ona hansısa viktorina haqqında məlumat verilərək min manat qazanma şansını qaçırma deyilir.

Nəticədə vətəndaşda belə bir təəssürat yaranır ki, TƏBİB-in qaynar xətti işləmir və belə bir ciddi qurumun çağrı mərkəzində yaranan problemlə bağlı Baku TV-yə şikayət edir.

TƏBİB-dən bildirilib ki, videoçəkiliş həqiqəti əks etdirmir. Zəngin daxil olduğu vaxt texniki əməkdaşları tərəfindən araşdırılıb və həmin saatlarda çağrı mərkəzinə daxil olan zənglərin qəbulunda hər hansı problem, gecikmə, qırılma və ya digər qüsurlar aşkarlanmayıb.

Baku TV olaraq sözügedən qaynar xəttə zəng etdik, lakin heç bir qeyri-adi halla rastlaşmadıq. Bəs görəsən, bir dövlət qurumunun “Qaynar xətti”ndə həqiqətən də belə bir hal baş verə bilər?