Türkiyəli müğənni Sibel Can 20 Yanvar şəhidlərini yad etdi

Türkiyəli məşhur müğənni Sibel Can Bakıda Şəhidlər xiyabanını ziyarət edib.

O, iş adamı Ruhiyyə Əliyeva ilə birgə Şəhidlər xiyabanına gəlib. Kövrək anlar yaşayan ifaçı Bakıdakı “Türk şəhidliyi” abidəsinə də baş çəkib.

Müğənni jurnalistlərə açıqlamasında 20 Yanvar faciəsinin heç zaman unudulmayacağını dilə gətirib:

“Mütləq ziyarət etməli idim. Yoxsa rahat olmazdım. Allah bizə elə anları bir də yaşatmasın. Ruhları şad olsun. Heç vaxt unudulmayacaqlar.

Dostum Ruhi xanımın sayəsində ziyarətim baş tutdu. Bakıya gələndə fürsət düşdükcə belə ziyarətlərimin olmasını istəyirəm. Bu, çox ağırdır. Hər birinin məkanı cənnətdir”.