Xaricdən avtomobil gətirənlərin qorxusu

Zavod buraxılış tarixinə görə yaşı 10 ildən çox olan minik avtomobillərinin ölkəyə gətirilməsi məhdudlaşdırılır.

Nazirlər Kabinetinin martın 29-da qəbul etdiyi bu qərar mayın 1-dən qüvvəyə minəcək. Lakin yeni qərar bir çoxlarında müəyyən narahatlıq yaradıb desək, yanılmarıq. Çünki artıq ödənişini edib sifariş verdiyi avtomobilin yolunu gözləyənlər var. Onların müəyyən qismi verilən bir aylıq möhlət müddətində ölkəyə gəlib çıxmaya bilər.

Bu zaman hər kəsi bir sual maraqlandırır: həmin avtomobillərin aqibəti nə olacaq, ödənilən məbləğlərin batmaq təhlükəsi varmı?