Yağıntılı hava davam edəcək | Hava haqqında məlumat

Aprelin 15-i və 16-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.

Bu barədə Milli Hidrometerologiya Xidmətindən məlumat verilib.

Lakin gündüz yarımadanın bəzi yerlərində qısamüddətli yağış yağacağı ehtimalı var. Mülayim cənub küləyi əsəcək. Havanın temperaturu 17-22 dərəcə isti olacaq.

Bölgələrdə də yağıntılı hava şəraiti davam edəcək. Axşama doğru yağıntılar tədricən kəsiləcək. Gözlənilən yağıntılarla əlaqədar olaraq çaylarda sululuğun artacağı ehtimal olunur. Havanın maksimal temperaturu Aran rayonlarında 20-25, dağlıq ərazilərdə isə 4-9 dərəcə isti olacaq.