Yağıntılı havalar arıçıları ziyana salıb

Hazırda arı ailələrinin köçürüldüyü yer Qaxın dağlar qoynunda, dəniz səviyyəsindən 1400 metr yüksəklikdə yerləşən İlusu kəndidir. Süzümü iyun ayında yekunlaşmalı olan may balı üçün yetərli bal yığa bilməyən arılar indi dağ çiçəklərində nektar toplayır.

Arıçılar havanın qeyri-sabit keçməsinin məhsuldarlığın azalmasına səbəb olduğunu bildirir: “İl ərzində 25-30 kilo məhsul götürürdüksə, hazırda 9-10 kilo bal süzümü gözlənilir. Bu da 60% itki deməkdir”.

Qeyd edək ki, arı təsərrüfatlarında ildə 2 dəfə – iyun ayının 15-nə qədər may balı, avqust ayında isə dağ balı süzülür. Bu il isə hər iki süzümün birləşdirilərək avqust ayında həyata keçirilməsi planlaşdırılır.