Yevlaxda 20 min kubmetr məhsuldarlığı olan sutəmizləyici qurğu inşa edilib
Yevlax şəhərinin su təchizatı və kanalizasiya sistemlərinin yenidən qurulması layihəsi 2035-ci ilədək perspektiv inkişaf nəzərə alınmaqla 70 min sakinin içməli su təchizatının və kanalizasiya xidmətlərindən istifadəsinin yaxşılaşdırılmasına hesablanıb.
Bunu Yevlax Suvarma Sistemləri İstismarı İdarəsinin baş mühəndisi Rauf Əliyev jurnalistlərə bildirib.
Onun sözlərinə görə, layihəyə əsasən Yevlax şəhərində məhsuldarlığı 20 min kubmetr olan içməli sutəmizləyici qurğu inşa edilib.
R.Əliyev xatırladıb ki, ötən dövr ərzində şəhəri dayanıqlı içməli su ilə təmin etmək üçün Kür çayının sahilində məhsuldarlığı sutkada 20 min kubmetr olan sürətli qumsüzgəc texnologiyalı təmizləyici qurğunun tikintisi işləri aparılıb:
“Qurğuda 16 ədəd süzgəc quraşdırılıb, emal prosesindən sonra təmiz suyun toplanması məqsədilə ümumi həcmi 2500 kubmetr olan 2 su anbarı tikilib. Həmçinin uzunluğu 86 kilometr paylayıcı su təchizatı şəbəkəsi inşa olunub, 4230 ədəd ev birləşməsi verilərək sayğac quraşdırılıb”.
#İçməli su teqi istifadə olunub
- "Yazıqlar divara dırmaşırlar" | Albalı bağlar yaşayış massivində acınacaqlı vəziyyət - Baku TV
- Su təminatının gücləndirilməsi üçün 5 istiqamətdən əlavə suyun gətirilməsi nəzərdə tutulub - Baku TV
- Ölkə üzrə sayğaclaşdırmanın faiz göstəricisi nə qədərdir? - Baku TV
- Paytaxtın mərkəzində boru partladı | “Qoyub gedirlər, aylardır baxan olmur!” - Baku TV
- Ceyranbatan su anbarı haqqında yayılan qalmaqallı məlumatlar gerçəkdir? - Baku TV
