Yol polisindən sürücülərə çağırış
"Həftəsonları respublika əhəmiyyətli avtomobil yollarında hərəkət intensivliyinin artması təhlükəsizlik məsələlərini daha da aktuallaşdırır. Nəzarət-profilaktik tədbirlər gücləndirilsə də, bəzi sürücülərin tələskənliyi və diqqətsizliyi məhz bu günlərdə qəzaların baş verməsinə səbəb olur".
Bu barədə Baş Dövlət Yol Polisi İdarəsinin sürücülərə müraciətində qeyd edilib.
Bildirilib ki, həftəsonu istirahətinin təhlükəsiz keçməsi hər bir sürücünün yolda nümayiş etdirdiyi məsuliyyətli davranışdan asılıdır.
"Səfərə çıxmağı planlaşdıran sürücülərə bir daha xatırladırıq ki, nasaz nəqliyyat vasitəsilə yola çıxmaq, yorğun və yuxusuz halda sükan arxasına əyləşmək, ara məsafəsini gözləməmək, sürət həddini aşmaq, ötmə və manevr qaydasını pozmaq qəza riskini ciddi şəkildə artırır.
Unutmayaq ki, yolda qaydalara əməl etmək yalnız hüquqi öhdəlik deyil, həm də özümüzü və sevdiklərimizi qorumağın ən sadə və vacib yoludur", ‒ müraciətdə deyilir.
#Baş Dövlət Yol Polisi İdarəsi teqi istifadə olunub
- Yol kənarında park edilən yük avtomobilləri sakinlərin səbrini daşırdı - Baku TV
- "Qatarların qrafikində kənara çıxma halları ola bilər" | Bəxtiyar Hacıyev
- Yeniyetmə sürücülərin törətdiyi qəzaların sayı niyə artıb? | Ekspertdən açıqlama - Baku TV
- Həftəsonu səfərə çıxacaq sürücülərin diqqətinə! - Baku TV
- DYP hava ilə bağlı sürücülərə xəbərdarlıq etdi - Baku TV
