Zəlzələdən çıxıb zəlzələyə tutulan azərbaycanlı tələbə
Türkiyədə baş verən zəlzələ səbəbi ilə Azərbaycana təxliyə olunan növbəti qrup Vətənə çatıb.
Türkiyədə təhsil alan azərbaycanlı tələbə Türkanə Kazımlı jurnalistlərə açıqlamasında Qaziantepdən Mersin şəhərinə qayıdarkən avtobusda təkrar zəlzələ anı keçirdiyini deyib.
“Kiçik maşınlarla şəhəri tərk etməyə çalışan əhali dağıntılı yollarda qəza keçirirdilər. Heç kəs bir-birinə kömək edə bilmirdi”, - deyə tələbə əlavə edib.
Digər tələbə Fidan Vəliyevanın sözlərinə görə isə zəlzələ baş verən zaman mənzili tərk edib. Binaya girmək təhlükəli olduğu üçün 2 gün çöldə gecələmək məcburiyyətində qalıb.
“6-7 ildir ki, ailə üzvlərimlə birlikdə Adana şəhərində yaşayıram. Qəza baş verəndə evdə idim. Dərhal uşaqlarımızı da götürüb evi tərk etdik”, - deyə Türkiyədə yaşayan azərbaycanlı Zabit Zamanov bildirib.