31 gündür bağlı olan Hörmüz boğazı nə vaxt açılacaq? - Baku TV
ABŞ Prezidenti Donald Tramp İranla münaqişə başa çatdıqdan sonra Hörmüz boğazının avtomatik açıla biləсəyini bildirib.
O bu barədə "The New York Post"a müsahibəsində vurğulayıb.
Tramp qeyd edib ki, onun fikrincə, İranla müharibə başa çatmaq üzrədir, ABŞ isə hərbi obyektlərə zərbələr endirməyi davam etdirir.
Onun sözlərinə görə, Vaşinqton İranın qalan hücum imkanları zərərsizləşdirilənə qədər fəaliyyətini davam etdirəcək.
Hörmüz boğazı ətrafındakı vəziyyəti şərh edən Tramp bildirib ki, İran onu artıq 31 gündür ki, bağlı saxlayır və bu, dünyada enerji daşıyıcılarının qiymətlərinin artmasına gətirib çıxarıb.
ABŞ Prezidenti əlavə edib ki, onun açılması məsələsi münaqişə bitdikdən sonra avtomatik həll olunacaq.
"Düşünürəm ki, o, avtomatik açılacaq, lakin mənim mövqeyim belədir: mən ölkəni məhv etdim. Onların gücü qalmayıb və qoy bu boğazdan istifadə edən ölkələr özləri gedib onu açsınlar. Çünki güman edirəm ki, neftə nəzarət edən kəs boğazı açmaqda çox maraqlı olacaq", – deyə Tramp bildirib.
#Donald Tramp teqi istifadə olunub
- Tramp Ukrayna və NATO-nun dəstəklərə qarşılıq vermədiyini bildirib
- Ukrayna Rusiyanın enerji obyektlərinə zərbələri artırdı: Müharibə yeni mərhələyə keçir?
- SEPAH-ın kritik hədəfləri | Aİ rəsmiləri Ukraynada | Trampdan İranla bağlı mesaj - YENİ BİR SƏHƏR
- ABŞ-İran müharibəsi bitir? | Tehrana 15 maddəlik plan - Baku TV
- Tramp İranın məğlub olduğunu bildirdi | Hörmüz boğazının taleyi necə olacaq? - 24 SAAT
