4 azərbaycanlı nədə ittiham olunur? - Rusiyaya səs salan həbslərin səbəbi

Rusiyanın Moskva vilayətinin Jukovsk şəhərində polis əməkdaşları qanunsuz şəkildə xiyar yetişdirən 56 miqrantı tutub.

Bu barədə Rusiya Daxili İşlər Nazirliyindən məlumat verilib.

"Rusiya Federasiyası ərazisində qeyri-qanuni əmək fəaliyyəti ilə məşğul olan 56 miqrant barəsində inzibati protokollar tərtib edilib. Onlardan 46 nəfər qeyri-qanuni miqrantdır. Ölkə ərazisində qanunsuz olduqlarına görə əcnəbilər inzibati məsuliyyətə cəlb edilib. Hər biri beş min rubl məbləğində cərimələnib. Əcnəbilərdən biri deportasiya edilib", – deyə məlumatda bildirilib.

Bununla yanaşı, polis əməkdaşları qeyri-qanuni miqrasiyanın təşkilində şübhəli bilinən 38 yaşlı qadını müəyyən ediblər. O, miqrantları kənd təsərrüfatı kompleksinin ərazisindəki binalarda yerləşdirib. Bununla bağlı cinayət işi açılıb.

Məlumat üçün bildirək ki, bir müddət öncə Azərbaycandan olan Rusiya vətəndaşları Məmmədov, Mustafayev, Rəcəbov və Rəcəblinin saxta miqrasiya sənədlərinin hazırlanması ilə məşğul olduqları müəyyən edilib.