“ABŞ 9 gün sonra...” | İsraildən sərt xəbərdarlıq

20 yanvar 2026 41 baxış

İsrail istənilən hücum cəhdinə intensivliyinə görə görünməmiş hərbi cavab verməyə hazırdır.

Bu barədə İsrail Müdafiə Qüvvələrinin (SAXAL) Baş Qərargah rəisi Eyal Zamir İsrailin Arxa Cəbhə Komandanlığının qərargahına səfəri zamanı bəyan edib.

Onun sözlərinə görə, SAXAL İsrailə zərər vurmaq cəhdinə qarşı görünməmiş hücum imkanlarını tətbiq etməyə hazırdır və müdafiə sahəsində bütün mümkün ssenarilərə tam şəkildə hazır vəziyyətdədir.

Eyal Zamir bildirib ki, “Qalxan şir” əməliyyatı zamanı əldə olunan dərslər nəzərə alınıb və İsrail Ordusu qəfil müharibə ehtimalına da hazırlaşır. O vurğulayıb ki, ölkənin müdafiə potensialı ən yüksək səviyyədə saxlanılır.

Qeyd edək ki, bundan əvvəl İsrailin Baş naziri Benyamin Netanyahu Knessetdə çıxışı zamanı Tehrandan mümkün hücum olacağı təqdirdə İsrailin indiyədək görünməmiş güclə cavab verəcəyini bəyan edib.

#İsrail Müdafiə Qüvvələri