Pleyeri seçin:
ABŞ idxal rüsumlarından nə qədər qazanc əldə edəcək? - Elə statistika açıqlandı ki...
ABŞ ilin sonuna qədər yeni idxal rüsumlarından 300 milyard dollardan çox gəlir əldə etməyi gözləyir.
Bu barədə ABŞ-nin maliyyə naziri Skott Bessent bildirib.
Xəzinədarlığın sözçüsü 300 milyard dollarlıq hədəfin hökumətin 30 sentyabr maliyyə ilinin sonuna deyil, 2025-ci ilin sonuna uyğun olduğunu bildirib.
S.Bessent əlavə edib ki, Konqresin Büdcə Ofisi tarif gəlirlərinin 10 il ərzində təqribən 2,8 trilyon dollar təşkil edəcəyini təxmin edir: “Bu, bizim fikrimizcə, ehtimal ki, aşağıdır”.
Xəzinədarlıq may ayında rekord məbləğdə ‒ 22,8 milyard dollar gömrük rüsumunun tutulduğunu bildirib. Bu da əvvəlki illə müqayisədə dörd dəfə çoxdur.
“Böyük pullar avqustun 1-də daxil olmağa başlayacaq. Düşünürəm ki, bu, dünən və bu gün göndərilən məktublarla aydın oldu”, ‒ deyə D.Tramp məsələyə münasibət bildirib.
Kopyalandı
