ABŞ-nin üzləşdiyi təhlükə Trampı hərəkətə keçirəcək? | Donaldın müşavirindən sensasiya

ABŞ-nin yeni seçilmiş prezidenti Donald Tramp Qrenlandiya və Panama kanalı üzərində Amerikanın nəzarətini bərqərar etmək üçün güc tətbiqini istisna etməyib.

Bunu Trampın ABŞ-nin milli təhlükəsizlik üzrə müşaviri Maykl Uolts “ABS Nyus” telekanalına müsahibəsində deyib.

O, bu məsələdə bütün variantların açıq olduğunu təsdiqləyib.

Uoltsun sözlərinə görə, ABŞ Arktikada və Qərb yarımkürəsində çox ciddi təhlükələrlə üzləşib:

“Cənub Komandanlığımıza cavabdeh olan general Laura Riçardson keçən il Çin dövlət müəssisələrinin Panama kanalının hissələrini və hər iki tərəfdəki limanları satın almaları barədə ifadə verdi. ABŞ və dünya arasında yüklərin 70%-i, neft və qaz da daxil olmaqla, Panama kanalından keçir. Kanal ABŞ-nin hərbi logistikası üçün həlledicidir. ABŞ-nin müdaxiləsini və Panama kanalındakı kritik aktivlərini qorumasını tələb edən elementlər var”.

O qeyd edib ki, Qrenlandiya üçün müəyyən narahatlıqlar mövcuddur: “Danimarkada adanın müdafiəsi üçün müəyyən komanda, Rusiyanın isə 60 buzqıran gəmisi var. Üstəlik, ada kritik mineralların böyük ehtiyatlarına malikdir. Tramp ABŞ-nin maraqlarını qorumaq üçün böyük və qəti addımlar atmağa hazırdır”.